Kanadanın suriyalı mühacirlərlə bağlı planının detallarına müəyyən dəyişikliklər edilib.

Axar.az xəbər verir ki, hökumətin mühacir planı barədə məlumatı paytaxt Ottavada Kanada Mühacir Komitəsinin üzvü olan nazirlər verib.

Mühacir komitəsinin rəhbəri, Səhiyyə naziri Ceyn Filpot bildirib ki, ilin sonuna qədər 10000 suriyalı mühacirin Kanadaya girişi tamamlanacaq. Qalan 15000 mühacirin qəbulu isə 2016-cı il mart ayının əvvəllərinə qədər sona çatacaq.

Xatırladaq ki, bir müddət əvvəl Kanada hökumətinin "Suriyalı mühacir əməliyyatı" çərçivəsində yeni ilə qədər 25000 suriyalı mühacirin Kanadaya qəbulunun hədəfləndiyi açıqlanmışdı.