Rusiyanın Su-24 təyyarəsi ilə bağlı insident öncə planlaşdırılmış provokasiyaya bənzəyir.

Axar.az xəbər verir ki, bunu "Rossiya 24" telekanalına müsahibəsi zamanı Rusiya Xarici İşlər naziri Sergey Lavrov söyləyib. O bu hadisədən sonra Türkiyə Xarici İşlər nazirinin ona zəng etməsindən danışıb:

"Su-24 təyyarəsi Rusiyanın İŞİD-in neft obyektlərinə endirdiyi zərbələrdən sonra vurulub. Türkiyə Xarici İşlər naziri mənim ona verdiyim "bu təyyarənin vurulmasını ABŞ-la razılaşdırmısınızmı", - sualına cavab vermədi. O, bildirdi ki, biz təyyarənin Rusiyaya məxsus olmasını atəşdən sonra bilmişik. Biz isə Türkiyə ilə savaşmağa hazırlaşmırıq. Rusiya Türkiyə ilə münasibətlərinə yenidən ciddi şəkildə diqqət yetirəcək".