Avtomobil yollarına zibil atan sürücülərə qarşı yeni aksiyaya start verilib.

Axar.az xəbər verir ki, "Avtostop" radio verilişinin "qenimol" həştəqi ilə başlatdığı aksiya çərçivəsində küçəyə zibil atan sürücülər cəzalandırılacaq.

Aksiyanın şərtlərinə görə, vətəndaşlardan avtomobildən yola, küçəyə zibil atan sürücülərin video və ya fotosunu [email protected] ünvanına göndərmək xahiş olunur. Həmin görüntülər Dövlət Yol Polisinə təqdim ediləcək, buna uyğun olaraq yola zibil atan sürücü cərimələnəcək.

Aksiyanın şərtləri bununla bitmir. Qeyd edilən ünvana görüntü göndərən vətəndaşlar hər ay hədiyyə qazanacaqlar. Ay ərzində ən çox foto və ya video göndərmiş şəxs 106.3 FM radiosunda efirə gedən "Avtostop" verilişindən mükafat alacaq.