Türkiyə Prezidenti Rəcəb Tayyib Ərdoğanla rusiyalı həmkarı Vladimir Putin arasında noyabrın 30-da Parisdə görüş baş tuta bilər.

Axar.az xəbər verir ki, bu barədə Türkiyə iqtidarına yaxın "Yeni Şəfəq" qəzeti yazıb.

Qəzetin məlumatına görə, hər iki lider noyabrın 30-da Parisdə BMT-nin iqlim konfransına qatılacaq. Konfrans çərçivəsində Ərdoğanla Putinin rəsmi gündəliyində birbaşa görüş yoxdur. Lakin liderlərin son hadisələrə görə görüşə biləcəyi bildirilir.

Qeyd edək ki, Türkiyə noyabrın 24-də Suriya istiqamətindən sərhədlərini pozan Rusiya qırıcısını vurub. Bundan sonra iki ölkə arasında münasibətlər kəskinləşib.