Ana səhifə Toplum |
Zəvvarların təhlükəsizliyini təmin etmək məqsədilə onları daşıyan bütün avtobuslar GPS sistemi ilə izlənəcək.
Nəqliyyatı İntellektual İdarəetmə Mərkəzindən Axar.az-a verilən məlumata görə, ziyarətə gedən 1400 zəvvarın təhlükəsizliyini təmin etmək məqsədilə bütün avtobuslarda GPS sistemi quraşdırılıb. Təhlükəsizlik tədbirləri yüksək səviyyədə həyata keçirilib. Eyni zamanda, zəvvarların təhlükəsizliyi ilə bağlı İran və İraq hökuməti ilə danışıqlar aparılıb və lazımi sənədlər imzalanıb.
Qeyd edək ki, Bakı Beynəlxalq Avtovağzalının təşkil etdiyi avtobuslarla azərbaycanlı zəvvarların bir qrupu bu gün gecə saatlarında 4 avtobusla Kərbəla ziyarətinə yola düşüb.
Növbəti günlərdə ümumilikdə 35 avtobusla səfər edəcək zəvvarların bir qismi İran və İraqı keçməklə Kərbəla şəhərini ziyarət edəcək.
Tarix
2015.11.26 / 13:41
|
Müəllif
Nigar İxtiyarqızı
|