Ana səhifə Gündəm |
Türkiyənin son addımı ondan xəbər verir ki, Rusiya bu cür davranışlarına son qoymalı, dövlətlərin suverenliyinə təhdid və təxribat xarakterli addımlar atmamalıdır.
Bu sözləri Axar.az-a açıqlamasında Şərq-Qərb Araşdırmalar Mərkəzinin rəhbəri Ərəstun Oruclu deyib. Rusiya təyyarəsinin Türkiyə tərəfindən vurulması hadisəsinə münasibət bildirən politoloq hesab edir ki, iki ölkə arasında yüksək gərginlik olmayacaq:
"Bir müddətdən sonra bütün diplomatik atışma və bəyanatlar arxa plana keçəcək və iki ölkə arasında yaranmış problem danışıqlar yolu ilə aradan qaldırılacaq. Yəni dünya praktikasında belə şeylər çox olub. Rusiya son vaxtlar xüsusilə də Ukraynada hərbi əməliyyatlara başladığı bir dövrdə Qərb və NATO dövlətlərinin sərhədlərini durmadan pozur. Bu müntəzəm pozucu fəaliyyətin də müəyyən bir cavabıolmalıydı. Türkiyə hava məkanı üçüncü dəfə idi ki, pozulurdu. Sonuncuya Ankaranın cavabı çox sərt oldu və təyyarə vuruldu. Təbii ki, bu, yaxşı hal deyil. Çünki bu, gərginliyə səbəb olur, eskalasiya yaradır.Türkiyənin son addımı ondan xəbər verir ki, Rusiya bu cür davranışlarına son qoymalı, dövlətlərin suverenliyinə təhdid və təxribat xarakterli addımlar atmamalıdır.Xüsusən də söhbət hərbi güc, silah və təyyarədən getdikdə. Bir məqam da ifşa olundu ki, Rusiya indiyə qədər iddia edirdi ki, apardığı bütün hərbi əməliyyatlarının hədəfi İŞİD-dir. Ancaq indi göründü ki, Rusiyanın apardığı hərbi əməliyyatların mütləq əksəriyyəti İŞİD və Əsədə qarşı döyüşən silahlıqruplaşmaların nəzarət etdiyi ərazilər, o cümlədən Suriya türkmanlarıdır. Müəyyən gərginliklər olsa da, bu, məsələ ətrafında çox ciddi qarşıdurmalara gətirib çıxarmayacaq".
Tarix
2015.11.27 / 09:27
|
Müəllif
Aygün Yusibova
|