Ana səhifə Gündəm |
Rusiya ilə Türkiyənin münasibətləri pisləşsə, Qarabağ konfliktində eskalasiya olacaq.
Axar.az xəbər verir ki, bunu öz Feysbuk səhifəsində rusiyalı deputat Dmitri Qudkov paylaşıb. Onun sözlərinə görə, artıq Rusiya-Türkiyə konfliktinin nəticələri peyda olmağa başlayıb:
"Bunların hamısını proqnozlaşdırmaq olardı. Birincisi - Qarabağ. Türkiyə Xarici İşlər naziri Bakıya gəldi və dedi ki, Türkiyə bütün imkanlarından istifadə edərək, Azərbaycanın ərazi bütövlüyünün bərpasına çalışacaq. Azərbaycan Qarabağ uğrunda bizim dəstəklədiyimiz Ermənistanla vuruşur. İkincisi, artıq Kazandan da yardım üçün haray qopdu. Orada türklər ən böyük investorlar idilər. Artıq olmayacaq. Yumşaq formada desək, Tatarıstan bundan heç də razı qalmayıb. Kurqandan olan senator bizə təsəlli verməyə çalışır ki, embarqonun davam etməsi sadə tərəvəzlə təminatda defisit yaradacaq və heç bir qiymət bahalaşması olmayacaq. Eyni ilə SSRİ-dəki kimi. Qiymətlər stabildir, qidalar isə yox".
Tarix
2015.11.28 / 10:55
|
Müəllif
İlkin Həsənov
|