Ana səhifə Gündəm |
Rusiyanın radikal millətçi Liberal Demokrat Partiyasının millət vəkili Sergey Furqal ölkə vətəndaşlarına türk restoranlarını baykot etmək çağırışı edib.
Axar.az xəbər verir ki, Furqal restoranlarda satılan dönərlərin keyfiyyətsiz olduğunu deyib:
"Bunu etmək doğru olar. Türkiyə və hakimiyyəti aqressiv addımlar atdı və biz buna cavab vermək məcburiyyətindəyik. Türkiyənin terrorçuları dəstəklədiyini nəzərə alsaq, biz də bu mübarizəyə başlamalıyıq. İŞİD Suriyadan Türkiyəyə neft daşıdığı bir vaxtda, türklər burada bizim qanımızı satın alır. Bu məhsullar hansı keyfiyyət normalarına əsasən hazırlanır? Bunlar insan orqanizminə ziyandır. Türklər saxta spirtli içkilər hazırlamaqla vətəndaşlarımızı zəhərləməyi də çox sevir. Bu, Türkiyənin müsəlman ölkə olması və orada spirtli içkilərin az istifadə olunması ilə əlaqələndirilir".
Furqal 2011-ci ildə rus turistlərin spirtli içkidən zəhərləndiyini və nəticədə 21 nəfərin həyatını itirdiyini xatırladaraq hadisənin Rusiya vətəndaşlarına qarşı hörmətsizlik olduğunu bildirib.
Tarix
2015.11.28 / 16:40
|
Müəllif
Gülər Nəsibova
|