Kanada hökuməti Türkiyənin Muğla vilayətinin Bodrum rayonunda cəsədi aşkar olunan 3 yaşlı Aylanın ailəsinə müvəqqəti yaşamaq statusu verib.

Axar.az xəbər verir ki, ABŞ mediasında yayılan məlumatlara görə, Aylanın Kanadada yaşayan xalası Tima Kurdi digər xalası və 5 əmisi uşağının yaxın günlərdə bu ölkəyə gətiriləcəyini deyib.

Tima Kurdi Aylanın atası Abdullah Kurdinin bir müddət İraqda yaşayacağını bildirib.

Xatırladaq ki, bu ilin sentyabrında Suriyadakı daxili müharibə və İŞİD qətliamı Aylan və ailəsinin Kobanidən Avropaya sığınmaq üçün yola çıxmağa məcbur edib. Gəminin qəzaya uğraması nəticəsində 3 yaşlı Aylan və anası həlak olmuşdu.