"Neftçi"ni qələbə münasibəti ilə təbrik edirik. Bəzi futbolçularıma istirahət vermək qərarına gəlmişdim. Düşünürəm ki, sizlər üçün maraqlı oyun alındı. Həm sürətli, həm də mübariz oyuna şahidlik etdik.

Sport7.az-ın xəbərinə görə, bu sözləri "Qarabağ"ın baş məşqçisi Qurban Qurbanov Premyer Liqanın 14-cü turunun "Neftçi"yə qarşı oyunundan sonra (0:1) deyib.

O, daha sonra bildirib: "Rəqib komandanın oyununu qiymətləndirmək lazımdır. Hakimlikdən narazılığım yoxdur. Belə hallar olur. Qabardılası bir şey yoxdur. Əlimizə düşən qol imkanlarından istifadə edə bilmədik. "Neftçi"nin hər bir qələbəsinə sevinirəm. Bu, idman mübarizəsidir. Daha çox fikrimi öz komandama yönəltmişəm. Çempionat daha da qızışır. Hər rəqib bizim üçün çətindir. Futbolçuların yorğunluğu həqiqətən də hiss olunur. Hərdən dəyişiklər edib, ehtiyatda qalan oyunçulara inandığımızı nümayiş etdiririk. Buna nornal baxıram. Sıx qrafik olanda təcrübəmiz daha da artır. "Neftçi"nin qələbəsinə kölgə salmaq lazım deyil. Bu gün onlar qələbəyə bizdən daha çox layiq idi".