Rusiya və ABŞ-ın iştirakı ilə Suriyada terrorçuluğa qarşı birgə koalisiyanın yaradılması üçün ümumi məqsədlər olmalıdır. Lakin hələlik belə məqsədlər yoxdur.

Publika.az xarici mediaya istinadən xəbər verir ki, bu barədə ABŞ-ın NATO-dakı daimi nümayəndəsi Duqlas Lyut bildirib.

"Bizim hədəfimiz "İslam dövləti"nə qalib gəlmək, Rusiyanın hədəfi isə müxalifət qüvvələrinə qarşı Suriya rejimini dəstəkləməkdir", - diplomat deyib.

Qeyd edək ki, Rusiya İŞİD terror qruplaşmasına qarşı vahid beynəlxalq koalisiyanın yaradılmasını təklif edir. ABŞ başqa olmaqla bir sıra Qərb ölkələri təklifə müsbət yanaşmır.