Vurulan Rusiya bombardmançısının Türkiyənin hava məkanını pozmasına dair sübutlar var.

Axar.az xəbər verir ki, bu barədə ABŞ Dövlət Departamentinin sözçüsü Elizabet Tryudo jurnalistlərə deyib.

"Ankaradan və öz qaynaqlarımızdan əldə etdiyimiz məlumatlar rus qırıcısının Türkiyənin hava məkanını pozduğunu göstərir. Hava sərhədlərinin pozulmasından əvvəl Türkiyə rus pilota dəfələrlə xəbərdarlıq edir və cavab ala bilmir".

Qeyd edək ki, Türkiyə noyabrın 24-də Suriya istiqamətində sərhədlərini pozduğu üçün Rusiyanın Su-24 bombardmançı təyyarəsini vurub. Rəsmi Moskva isə təyyarənin Türkiyənin hava məkanını pozmadığını bildirir. Qırıcının sağ qalan pilotu da Türkiyənin xəbərdarlıq etmədən atəş açdığını deyib.