Ana səhifə Planet |
13:24
Türkiyə Prezidenti Rəcəb Tayyib Ərdoğanla amerikalı həmkarı Barak Obama arasında Parisdə BMT-nin İqlim Dəyişikliyi Konfransı çərçivəsində görüş baş tutub.
Axar.az xəbər verir ki, hazırda davam edən görüş bağlı qapılar arxasında keçirilir.
Liderlərin görüşdən sonra mətbuat konfransı keçirəcəyi gözlənilir.
***
Obama ilə Ərdoğan arasında Parisdə keçirilən görüş başa çatıb. Liderlər görüşdən sonra ictimaiyyət üçün qısa açıqlama veriblər.
"Görüş zamanı Türkiyə-Rusiya münasibətlərini və miqrant böhranını müzakirə etdik. ABŞ Türkiyənin özünü müdafiə haqqını dəstəkləyir. Türkiyə və Rusiya gərginliyi azaltmaq üçün çalışmalıdır. Türkiyəyə miqrant böhranında verdiyi dəstəyə görə təşəkkür edirəm", - Obama bildirib.
"Biz Rusiya-Türkiyə gərginliyinin diplomatik yolla həll olunmasını istəyirik", - Türkiyə lideri qısa açıqlamasında bildirib.
Qeyd edək ki, dünən başlayan İqlim Dəyişikliyi Konfransı dekabrın 11-dək davam edəcək. Konfransa 195 ölkənin dövlət və hökumət rəhbərləri dəvət olunub.
Tarix
2015.12.01 / 14:34
|
Müəllif
İlham Sahiloğlu
|