Rusiya NATO-ya Türkiyə tərəfindən vurulan Su-24 təyyarəsi ilə bağlı məlumatları təqdim edib.

Axar.az xəbər verir ki, Rusiyanın NATO-dakı daimi nümayəndəsi Aleksandr Qruşko NATO-ya Türkiyənin Rusiyaya aid Su-24 təyyarəsinin qəsdən vurulmasını sübut edən məlumatları təqdim etdiyini açıqlayıb.

Aleksandr Qruşko NATO baş katibinin müavini Aleksandr Verşbou ilə görüşündən danışıb:

"Mən Aleksandr Verşbouya baş verən hadisə ilə bağlı məlumatları təqdim etdim. Həmçinin Rusiya təyyarəsinin Suriya sərhədində qəsdən vurulduğunu göstərən hərbi və siyasi faktları izah etdim".

Qruşko NATO-nun Türkiyəyə arxa çıxmasını vurğulayaraq baş verən hadisəyə görə məsuliyyət daşıdığını da qeyd edib:

"Rus təyyarəsi Türkiyəni qətiyyən təhdid etməyib. NATO isə bu məsələdə dərinə getmək istəmir. Niyə belə davrandığı da məlumdur".