Ana səhifə Toplum |
"BakuBus" tərəfindən daha 7 marşrut xətti istifadəyə veriləcək.
Bunu Axar.az-a BakuBus MMC-nin mətbuat xidmətinin rəhbəri Nuridə Allahyarova bildirib. Qurum rəsmisi söyləyib ki, şirkətin məqsədi 14 marşrut xətti üzrə paytaxtın mərkəzini əhatə etməkdir:
"4, 7, 9, 10, 11, 12, 13 nömrəli marşrut xətlərinin nə zaman istifadəyə veriləcəyi məlum deyil".
Qeyd edək ki, BakuBus MMC-nin avtobuslarında gediş haqqının ödənişi BakıKart vahid ödəniş kartları ilə həyata keçirilir.
BakıKart vahid ödəniş kartlarını bütün metro stansiyalarında və avtobus dayanacaqlarında quraşdırılmış yeni BakıKart terminallarından, Bakı şəhərində yerləşən müasir tipli mətbuat köşklərindən və digər BakıKart loqosu olan məntəqələrdən əldə etmək olar.
Xatırladaq ki, indiyənə qədər 1, 2, 3, 5, 6, 8, 14 saylı marşrut və hava limanı üzrə ekspress xətləri şirkət rejiminə keçirilərək sərnişinlərin istifadəsinə verilib.
Tarix
2015.12.01 / 15:09
|
Müəllif
Vüqar Şahinoğlu
|