Bu gün Azərbaycan Dövlət Neft və Sənaye Universitetində akademik "Azad Mirzəcanzadə adına gümüş medal"a layiq görülən bir neçə alim təltif olunub.

ADNSU-nun mətbuat xidmətindən Axar.az-a verilən məlumata görə, tədbirdə A.Mirzəcanzadənin elm və təhsil sahəsindəkı əvəzsiz xidmətləri dəyərləndirilib.

Qonaqları salamlayan rektor Mustafa Babanlı akademikin yaratdığı böyük elmi bazadan söz açıb və universitet olaraq bu irsin gələcək nəsillərə ötürülməsinin vacibliyini bildirib.

Daha sonra "Neftin, qazın geotexnoloji problemləri və Kimya" ETİ-nin direktoru AMEA-nın müxbir üzvü, professor Elmira Ramazanova, AMEA-nın riyaziyyat və Kimya İnstitutu, AMEA-nın müxbir üzvü Geylani Pənahov "Azad Mirzəcanzadə adına gümüş medal"la təltif olunublar.

ADNSU-nun professoru Tulparxan Salavatova doğum günü ərəfəsində, yəni oktyabrın 16-da medalla təltif olunub. Eləcə də Çindən olan akademik Renqi Jianq da medalla təltif olunanlar sırasında olub.

Qeyd edək ki, dünya şöhtərli alim, AMEA, RTEA, Başqırdıstan Respublikası Elmlər Akademiyası və Ukrayna Neft-Qaz Akademiyasının həqiqi üzvü Azad Mirzəcanzadənin adını daşıyan medalın təsis olunması Rusiya Təbiət Elmləri Akademiyası tərəfindən qərara alınıb.