ABŞ Dövlət katibi Con Kerrinin İrana tətbiq edilən sanksiyaların bir neçə gün ərzində ləğv oluna biləcəyini açıqlamasından sonra birjalarda neftin qiyməti kəskin ucuzlaşıb.

Axar.az "Blumberq"ə istinadən xəbər verir ki, "Brent" markalı xam neftin bir barrelinin qiyməti 1,56 dollar ucuzlaşaraq 29,73 dollara düşüb. Beləliklə də "Brent" 2004-cü ilin aprelindən bu yana ilk dəfə 30 dollardan ucuz olub.

VTİ markalı neftin qiyməti isə 0,50 dollar azalaraq 30,48 dollar təşkil edib.

"Azeri Layt" markalı xam neftin bir barrelinin qiyməti 0,37 dollar ucuzlaşaraq 31,55 dollara düşüb.

Qeyd edək ki, İran sanksiyaların ləğvindən sonra bazarda mövqe qazanmaq üçün gündəlik hasilatı artıracağını açıqlayıb.