Soyuq müharibə dövründən bu yana Avropa ilk dəfə ciddi böhranla üz-üzədir.

Axar.az xəbər verir ki, bu sözləri Almaniya Xarici İşlər naziri Frank Valter Ştaynmayer Avstriyanın paytaxtı Vyanda ATƏT-in (Avropa Təhlükəsizlik və Əməkdaşlıq Təşkilatı) toplantısında deyib.

ATƏT-in müvəqqəti sədri olan Ştaynmayer çıxışı zamanı Türkiyədə baş verən terror hücumuna görə yenidən başsağlığı verib:

"Terror heç kimə fərq qoymur. Bu vəhşi hücumlar və cinayətlər bütün ATƏT ölkələrinə təhlükə yaradır. Biz terrorla mübarizənin istənilən mərhələsində birlikdə hərəkət edəcəyik".

Ştaynmayer onu da əlavə edib ki, Almaniya Ukrayna böhranının həlli üçün əlindən gələni edəcək və daimi sabitlik üçün çalışacaq.