Gəncə Şəhər İcra Hakimiyyətinin başçısı Elmar Vəliyev vətəndaşların qəbulu zamanı sahibkarlara ayrılacaq kreditlər və ediləcək güzəştlərlə bağlı danışıb.

Kəpəz TV (Region TV) xəbər verir ki, Elba MMC-ə 5 milyon manat dəyərində kredit ayrılıb. Müəssisə 3 ay müddətində tam fəaliyyətə başlayacaq və Qafqazın ən böyük ət kəsimi müəssisəsinə çevriləcək.

Bununla yanaşı, Gəncədə yeni Gips Zavodu işə düşəcək. 300 nəfərin çalışacağı zavodun inşası üçün 15 hektar torpaq sahəsi ayrılıb. Zavod 6 aya inşa edilərək. Dövlət rəhbərinin tapşırığına uyğun olaraq,

Gəncədə fəaliyyət göstərən sahibkarlara kreditlərin ayrılması da nəzərdə tutulur. İlkin mərhələdə kreditlərin məbləği 100 milyon manat dəyərində müəyənləşdirilib.

"Biz öz səlahiyyətimiz çərçivəsində torpaqla təmin edə bilərik. İqtisadi İnkişaf Nazırliyinin Sahibkarlara Kömək Milli Fondu da kreditlə bağlı istənilən köməyi etməyə hazırdır. Hər bir vətəndaş müraciət edə bilər", - deyə Elmar Vəliyev bildirib.