Müğənni Aytac Vidadiqızı "Balam" adlı yeni mahnı ifa edib.

Axar.az-a açıqlama verən müğənni ana olmasa da, ifa etdiyi mahnını gələcəkdə dünyaya gələcək övladına həsr edib.

"Deyirlər analıq gözəl hissdir və onu yaşayanlar bilir. Mən ana olmasam da, uşaqları, körpələri çox sevirəm. Hər bir qadın kimi ana olmaq, körpəmi qucağıma götürmək mənim də arzumdur. Mahnının sözlərini yazanda çox təsirlənmişdim. Allah heç bir qadını analıq ilə sınağa çəkməsin".

Müğənni ifa etdiyi yeni mahnısının bəstəsinin erməni musiqisi olması məsələsinə də münasibət bildirib:

"Bu söz-söhbət mənə də çatıb. Amma bu musiqini daha əvvəllər yunanlar ifa edib. Ermənilər hər şeyi öz adına çıxarmağa öyrəncəlidir. Ermənilərə inansaq, "Sarı gəlin" də onlara məxsusdur. Bu sənətin dərinliklərini bilən bir neçə musiqiçi ilə də danışdım. Onlar mahnının yunan mahnısına bənzədiyini bildirdilər. Bu mahnını çox xalqlar ifa edib".

Xatırladaq ki, mərhum müğənni Vidadi Bərdəlinin qızı Aytacın toyu ötən il dekabr ayının 23-ü Bakıda olub. Sabah isə Türkiyədə oğlan toyu olacaq. O, Türkiyə vətəndaşı Canbərk adlı şəxs ilə ailə həyatı qurub.