Terrorçuların ictimai xadimlərə hücumunu müsbət qarşılayan, mülki şəxslərin öldürülməsinə "Etməsə daha yaxşı olardı" – deyə münasibət bildirən zehniyyətdən diksinirəm.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan muxtarların toplantısı zamanı deyib.

"Hər kəs xarakterinə və şəxsiyyətinə uyğun iş görür. Bunlar özlərinin qazdığı xəyanət çuxurunda çırpınacaqlar. Bunu yaxşı bilək. Biz də ölkəmizin və millətimizin gələcəyi üçün çalışacağıq. İstədikləri qədər çalışsınlar. Artıq qarşılarında keçmiş Türkiyə yoxdur. Gələcəkdə də nə terror qruplaşması, nə də onları dəstəkləyən partiya və təşkilatlarla əsla həmsöhbət olmayacağıq. Əlində silah olan və onu dəstəkləyən də xəyanətin bədəlini ödəyəcək. Mübarizəmiz kürd qardaşlarımıza qarşı deyil".