Ana səhifə İdman |
Çempionluq məsələsinə bu cür yanaşırıq: əgər şansımız varsa, sona qədər mübarizə aparmalıyıq. Bilirik ki, "Qarabağ" çox ciddi rəqibdir. Özü də bizdən 10 xal öndədir. Bu, işimizin asan olmadığını göstərir.
Axar.az xəbər verir ki, bu sözləri "Qəbələ" klubunun baş məşqçisi Roman Qriqorçuk deyib.
Ukraynalı çalışdırıcı APA-ya geniş müsahibəsində bildirib ki, son 6 ayda çempionatın səviyyəsində geriləmə yoxdur: "Azərbaycan çempionatının səviyyəsi yaxın illərdə aşağı düşməyəcək. Görürəm ki, hamı öz yerindədir.
Lap deyək ki, futbolçular az maaşa oynayacaqlar. Amma əsas odur ki, futbolçular yenə olacaq və onlar oynamağa davam edəcəklər. Çempionatın səviyyəsi də olduğu kimi qalacaq.
Azərbaycana təzə gələndə demişdim ki, bizim məqsədimiz Qəbələdə Çempionlar Liqasının himnini səsləndirməkdir. Ona nail olmaq üçün əlimizdən gələni edəcəyik".
Tarix
2016.01.28 / 10:38
|
Müəllif
Emil Salamoğlu
|