Ana səhifə Toplum |
ADA Universitetində "Ekoloji Sənaye Parkları" mövzusunda dəyirmi masa keçirilib.
Axar.az-ın əməkdaşı xəbər verir ki, tədbir Xəzər- Enerji və Ətraf Mühit Mərkəzi tərəfindən təşkil olunub.
Təmiz Şəhər ASC-nin sektor müdiri Faiq Məmmədov sənaye parklarının funksiyası, İqtisadiyyat Nazirliyinin bu istiqamətdə dəstəyi haqda danışıb.
Onun sözlərinə görə, təkrar emalla məşğul olmaq istəyən şirkətlər üçün dövlət vəsaiti hesabına bütün xarici infrastrukturu qurulur. Onlar 7 il müddətinə bir sıra vergilərdən azad olunurlar. Həmçinin, dövlət bu müəssisələr üçün güzəştli kreditlər təklif edir.
Sektor müdiri deyib ki, Balaxanı Sənaye Parkında fəaliyyət göstərmək üçün 50-ə yaxın şirkət "Təmiz Şəhər"ə müraciət edib. Onlardan rentabelliliyi və dayanıqlılığı ilə seçilən 4 şirkət qeydiyyatdan keçib.
Həmin şirkətlər işlənmiş mühərrik yağlarının emalı və baza yağlarının istehsalının təşkil edilməsi, plastik butulkaların təkrar emalı, təkərlərin soyuq üsulla bərpa olunması, çap-poliqrafiya məhsulları istehsalı ilə məşğul olacaqlar.
Həmçinin kvars qumunun hasilatı və zənginləşdirilməsi ilə məşğul olmaq niyyətində olan şirkətlə danışıqlar aparılır. "Təmiz Şəhər" nümayəndəsinin verdiyi məlumatlar universitetin əməkdaşlarının və tələbələrin marağına səbəb olub
Tarix
2016.01.29 / 18:19
|
Müəllif
Fatimə İbrahimova
|