Rusiya bütün ölkələrin sərhədlərinə hörmət göstərmək məcburiyyətindədir.

Axar.az xəbər verir ki, bunu Türkiyə Baş naziri Əhməd Davudoğlu jurnalistlərə deyib.

"Dünən günorta saatlarında Rusiya qırıcısı sərhədlərimizi pozdu. Məlumatlar gəldikdən sonra prezidentlə müşavirə keçirdik. Rusiya səfiri məsələ ilə əlaqədar XİN-ə çağırıldı. Rusiyanın sərhədlərimizi pozmasını gizlətməsi mümkün deyil. Rusiya Suriyada müxalifləri bombalayır. Rusiyaya növbəti dəfə xəbərdarlıq edirəm. Rusiyanın davranışları öz mənfəətinə deyil. Rusiya bütün ölkələrin sərhədlərinə hörmət göstərmək məcburiyyətindədir", - Davudoğlu bildirib.

Qeyd edək ki, yanvarın 29-da Rusiya Hərbi Hava Qüvvələrinə aid Su-34 təyyarəsi Türkiyənin hava sərhədini pozub.