Ana səhifə Gündəm |
Bu gün Sarayevoda lV Qlobal Bakı Forumuna hazırlıq məqsədilə Bosniya və Herseqovinanın Rəyasət Heyətinin üzvü Mladen İvaniçin dəstəyi ilə "Dinlərarası dialoq və ekstremizmə cavab" mövzusunda xüsusi toplantı keçirilib.
Axar.az Diasporla İş üzrə Dövlət Komitəsinin saytına istinadən xəbər verir ki , toplantıda Bosniya və Herseqovinanın Rəyasət Heyətinin üzvü Mladen İvaniç, Nizami Gəncəvi Beynəlxalq Mərkəzinin həmsədri və İsgəndəriyyə Kitabxanasının direktoru İsmayıl Səragəldin, Norveçin sabiq Baş naziri, Oslo Sülh İnstitutunun direktoru Maqne Bondevik, Bosniya və Herseqovinanın sabiq Baş naziri Zlatko Laqumdziya, o cümlədən xarici təşkilatların və səfirliklərin nümayəndələri iştirak ediblər.
Tədbirin moderatoru, Bosniya və Herseqovinanın sabiq Baş naziri Z.Laqumdziya çıxışında bildirib ki, Nizami Gəncəvi Beynəlxalq Mərkəzi Madrid Klubu və Sarayevo Açıq Cəmiyyətlər və Dəyərlər İnstitutu ilə birgə uzun bir yol qət edib: "Bu proses 2013-cü ildə Bakıda başlayıb və Madriddə, Romada, İsgəndəriyyədə, Andorrada bununla əlaqəli konfranslar keçirilib. Növbəti Forum isə mart ayında Bakıda keçiriləcək".
Toplantıda İsgəndəriyyə Kitabxanasının direktoru İ.Səragəldin, Oslo Sülh İnstitutunun direktoru M.Bondevik də çıxış edib.
Qeyd edək ki, toplantı martın 10-11-də keçiriləcək IV Qlobal Bakı Forumuna hazırlıq məqsədi daşıyırdı.
Tarix
2016.02.02 / 19:20
|
Müəllif
Axar.az
|