Ana səhifə Gündəm |
Dağıstan rəhbəri Ramazan Abdulatipov Prezident Administrasiyasının rəhbəri Ramazan Əliyevi vəzifəsindən azad edib.
Axar.az xəbər verir ki, Əliyevin administrasiya rəhbərliyindən çıxarıldıqdan sonra baş nazirin birinci müavini təyin edildiyini bildirilir. Əliyev burada maliyyə məsələlərini kurasiya edəcək.
Abdulatipovun başqa bir əmri ilə isə Prezident Administrasiyasının rəhbəri vəzifəsinə İsmayıl Əfəndiyev gətirilib.
Qeyd edək ki, Ramazan Əliyev milliyətcə avardır. O, Dağıstan hakimiyyətində Abdulatipova ən yaxın olan şəxslərdən biri hesab edilir. Məhz Əliyev 2014-cü ilin oktyabrında Dərbənd rayonunun rəhbəri, milliyətcə azərbaycanlı olan Qurban Qurbanovun hakimiyyətdən getməsinə səbəb olub. Onun rəhbərliyi altında sonradan şəhərə OMON yeridilib və Qurbanovla tərəfdarlarının evində axtarış aparılıb.
Əliyevin yerinə təyin olunan İsmayıl Əfəndiyevin isə milliyətcə ləzgi olduğu deyilir. O, Azərbaycanla sərhəddən 25 kilometr aralıda yerləşən Süleyman-Stalski rayonunun Qasımkənd kəndindəndir.
Tarix
2016.02.03 / 11:50
|
Müəllif
İlkin Həsənov
|