Ana səhifə Sağlıq |
Xocalı sakini Tural Salmanov Səhiyyə Nazirliyindən müalicəsi üçün göstərilən qayğını başqa əlaqədar qurumlardan və xeyirxah insanlardan da gözləyir. Goranboyda yaşayan məcburi köçkün uzun illərdir qaraciyərində və dalağındakı xəstəliklərdən əziyyət çəkir.
Axar.az-ın məlumatına görə, Səhiyyə Nazirliyinin göstərişi ilə Xocalı, Gəncə və Bakı xəstəxanalarında onun müalicəsi davam etdirilib.
Həmçinin, "Medikal Hospital" onun müayinələrini təmənnasız üzərinə götürüb. Amma Turalın vəziyyəti hələ də ağır olaraq qalır. Həkimlərin rəyinə görə, ona təcili qaraciyər köçürülməlidir.
Amma küçə süpürməklə dolanan ailəsinin Turalı davamlı müalicə etdirməsi, ona qaraciyər köçürülməsinə pul xərcləməsi imkanları xaricindədir. Ailəsi Səhiyyə Nazirliyinin və əlaqəli qurumların bu məsələni də öz nəzarətinə götürəcəyinə, xeyirxah insanların maddi dəstək göstərəcəyinə inanır.
Turalın ailəsi Səhiyyə naziri Oqtay Şirəliyevə, dövlət orqanlarına və xalqa müraciət edərək onsuz da sayı az qalmış Xocalı sakinlərindən daha birinin həyatdan vaxtsız getməsinə imkan verməməyə çağırır. Bu ailəyə kömək etmək istəyənlər Goranboy rayonu, Qaçqınlar qəsəbəsi, 1-ci bina, 4-cü blok, mənzil 56 ünvanına baş çəkə və yaxud 055 737 12 31 mobil nömrəsi ilə əlaqə saxlaya bilər.
Tarix
2016.02.03 / 17:21
|
Müəllif
Emil Salamoğlu
|