İŞİD terror təşkilatına bütün dünyadan 34 ekstremist qruplaşma qoşulub.

Axar.az xəbər verir ki, bu, BMT Baş katibi Pan Gi Munun Təhlükəsizlik Şurası üçün hazırladığı hesabatda yer alıb. Onun sözlərinə görə, bu il İŞİD-ə qoşulan qruplaşmaların sayı artacaq:

"İŞİD istənilən situasiyaya adaptasiya olmağa və dünyanın müxtəlif nöqtələrindən öz sıralarına terror qruplaşmaları qəbul etməyə qadirdir. İŞİD-in qərbi və şərqi Afrikada, Yaxın Şərq, cənub və cənub-şərqi Afrikada təsir dairəsini altı ay ərzində artırması, bu təşkilatın nə qədər təhlükəli olduğunu deməyə imkan yaradır. İŞİD tərəfindən artıq Liviya, Nigeriya, Filippin, Özbəkistan və Pakistana hücumlar artıb. İŞİD həm də dünyanın ən varlı terror təşkilatıdır. Keçən il neft satışında bu təşkilat yarım milyard dollar gəlir götürüb. Bir milyard dolları isə onlar Suriya və İraqda tutduqları ərazilərdəki banklardan ələ keçiriblər".