Ana səhifə Gündəm |
22:47
Axşam saatlarında Bakının Xətai rayonunda faciəvi qəza nəticəsində bir nəfər həlak olub.
ANS xəbər verir ki, 55 yaşlı şəxs "Şaqman" yük avtomobilini təmir edərkən onun altında qalıb.
Hadisənin hansı səbəbdən baş verdiyi hələlik məlum deyil. Bədbəxt hadisə nəticəsində ölən sürücü Quba rayon sakini Seyidəhmədov İbrahimdir. Onun "Bakı Ağ Şəhər" ərazisində yerləşən şirkətlərdən birində çalışdığı qeyd olunur. Hazırda hadisənin baş verdiyi Xətai rayon Nəcəfqulu Rəfiyev küçəsində FHN xilasediciləri tərəfindən cəsədin maşının altından çıxarılması işi aparılır. Həmçinin polis və prokrorluq orqanlarının işçiləri hadisə yerində araşdırma aparır.
00:36
Bakı şəhəri, Xətai rayonunda 1 nəfərin "Şaqman" markalı yük avtomobilinin altında sıxılmış vəziyyətdə qalması barədə məlumat daxil olub.
Axar.az FHN-in mətbuat xidmətinə istinadən xəbər verir ki, dərhal Fövqəladə Hallar Nazirliyinin Xüsusi Riskli Xilasetmə Xidmətinin xilasediciləri hadisə yerinə cəlb olunaraq sıxılmış vəziyyətdə qalmış Seyidəhmədov İbrahim Qələmşah oğlunun cəsədini avtomobilin altından çıxararaq aidiyyəti üzrə təhvil veriblər.
Əməliyyat saat 21:29-da başa çatıb.
Tarix
2016.02.07 / 00:36
|
Müəllif
Axar.az
|