Rejissor Alexandro İniyaritunun bu ilki Oskar mükafatına namizəd olan "Diriliş" filmi ilə Rusiya və dünya kino tarixinin kult rejissoru hesab edilən Andrey Tarkovskinin filmlərindəki səhnələr arasında oxşarlıqlar tapılıb.

Axar.az xəbər verir ki, bu oxşarlığı taparaq eyni videoda birləşdirib üzə çıxaran rusiyalı qrafik dizayner Mişa Petrik olub.

Mişanın hazırladığı videoya baxanda, 12 nominasiya üzrə Oskara namizəd göstərilən və Leonarda DiKaprionun baş rolunda oynadığı "Diriliş" filminin bəzi səhnələri ilə Tarkovskinin "Andrey Rubley" (1966), "Güzgü" (1975), "Nostalji" (1983) filmlərindəki bəzi səhnələrinin oxşarlığı açıq-aydın görünür.