Cənubi Koreya kəşfiyyatının açıqlaması lətifə xarakteri daşıyır.

Axar.az xəbər verir ki, bunu Moskvanın Şimali Koreyanın raket sınaqlarının inşasına dəstək verməsi haqda iddialara münasibət bildirərkən Rusiya Baş nazirinin köməkçisi Dmitri Roqozin deyib.

"Cənubi Koreya kəşfiyyatının son zamanlardakı nağılvari açıqlamaları "Erməni radiosu"nu xatırladır", - Roqozin Tvitterdə yazıb.

Qeyd edək ki, Şimali Koreya ötən gün ölkənin qərb sahilində yerləşən "Soxe" kosmodromunda ballistik raketini sınaqdan keçirib. "Renxap" agentliyi Cənubi Koreya kəşfiyyatına istinadən Şimali Koreyanın raketin bəzi komponentlərini Rusiyadan idxal etmiş ola biləcəyini yazıb.