Rusiya Prezidenti Vladimir Putinlə Qazaxıstan Prezidenti Nursultan Nazarbayev arasında telefon danışığı olub.

Axar.az xəbər verir, bu barədə informasiyanı Qazaxıstan Prezidentinin Mətbuat Xidməti yayıb. Telefon danışığı zamanı tərəflər arasında Türkiyə-Rusiya münasibətləri müzakirə edilib. Müzakirə zamanı Vladimir Putin münasibətlərdə çətinliyin Türkiyə tərəfindən yaradıldığını bildirib. O həmçinin hər şeyin normala qayıtması üçün ilkin addımın Türkiyə tərəfindən atılmalı olduğunu deyib.

Qeyd edək ki, şənbə günü Türkiyə Baş naziri Əhməd Davudoğlu Qazaxıstana səfər edib. Səfər çərçivəsində o, Prezident Nursultan Nazarbayev və Baş naziri Kərim Mənsimovla görüşüb.