Ana səhifə Planet |
Əlcəzair parlamenti ölkə prezidentinin iki dəfədən artıq seçilməsinə qadağa qoyub.
Axar.az xəbər verir ki, bu barədə informasiyanı BBC yayıb. Televiziya parlamentin bərbər dilinə dövlət dili statusu verdiyini də bildirib. Bərbər dilinin dövlət dili olmasına baxmayaraq, dövlət orqanlarının fəaliyyəti zamanı yenə də ərəb dili əsas ünsiyyət vasitəsi kimi istifadə olunacaq.
Qeyd edək ki, hazırda Əlcəzair Prezidenti Əbdüləzi Buteflikadır. O, 1999-cu ildə Əlcəzairin prezidenti vəzifəsini icra edir. Buteflika sonuncu dəfə bu posta 2014-cü ildə (dördüncü dəfə - red.) seçilib.
2011-ci ildə ərəb baharı zamanı etirazçıların əsas tələblərindən biri də Əlcəzairdə prezidentlik müddətinin məhdudlaşdırılması ilə bağlı olub. Həmin zaman əhali qarşısına çıxan Buteflika da məhz bu öhdəliyi yerinə yetirəcəyinə söz verib.
Buteflikanın 78 yaşı var. Övladı olmayan Buteflika bir müddət öncə insult keçirib.
Tarix
2016.02.08 / 17:21
|
Müəllif
İlkin Həsənov
|