Ana səhifə Toplum |
Ölkənin lider mobil operatoru "Azersell" Telekomun hər zaman ölkədə təhsilin inkişafına dəstək olan müxtəlif layihələr həyata keçirməsilə yanaşı, şirkətin yetişdirdiyi istedadlı mütəxəssislər də bu sahədə öz geniş töhfəsini verməkdə davam edir.
Şirkətdən Axar.az-a verilən məlumata görə, "Azersell"in müxtəlif
şöbələrində çalışan peşəkarlar respublikada fəaliyyət göstərən
müxtəlif təhsil ocaqlarında tələbələr üçün seminarlarda iştirak
edərək nəzəri bilgiləri və zəngin iş təcrübəsi ilə bölüşürlər. Bu
dəfə "Azersell"in əməkdaşı İnformasiya Texnologiyaları və
Mühəndislik (SITE) Məktəbinin həyata keçirdiyi "SITE Scientific
Seminars" proqramına dəstək olub. Proqram çərçivəsində keçirilən
görüşlərdən biri də fevralın 5-də də Azərbaycan Diplomatiya
Akademiyasında (ADA) baş tutub. Bu dəfə mühazirəçi qismində
"Azersell"in məhsul və xidmətlərin test olunması bölümünün rəhbəri
Cavid Kərimov çıxış edib. Cavid Kərimov Azərbaycan Dövlət Neft
Akademiyasında Avtomatlaşdırılmış İdarəetmə Sistemləri,daha sonra
isə Azərbaycan Dövlət Neft Akademiyası və Corciya Universitetində
MBA proqramı üzrə Kompüter İnformasiya Sistemləri ixtisasına
yiyələnib. "Azersell" öz məhsullarıniı necə test edir" adlanan
seminarda Cavid Kərimov "Proqram təminatının test edilməsi" nədir
və nə üçün lazımdır, Proqram təminatının yoxlanılması haqqında
ilkin anlayışlar, Proqram təminatının test edilməsi prinsipləri
haqqında öz bilgilərini tələbələrlə bölüşüb. Mühazirəçi, eyni
zamanda "Azersell" şirkəti öz məhsullarını hansı şəkildə test edir,
müştəriləri keyfiyyətli məhsul ilə təmin etmək üçün hansı və neçə
mərhələli test üsullarından istifadə etməsi haqqında məlumatları da
seminar iştirakçılarına çatdırıb. Daha sonra isə bu bilgilərin daha
yaxşı mənimsənməsi üçün qrup məşğələləri keçirilib.
Məlumat üçün bildirək ki,İnformasiya Texnologiyaları və Mühəndislik (SITE) Məktəbi ölkənin inkişaf prioritetlərinə uyğun olaraq ,müasir tələblərə cavab verən yüksək ixtisaslı İT mütəxəssisləri və mühəndislər potensialının yaradılması məqsədilə 2012-ci ildə təsis olunub.
"Azersell"in yüksək ixtisaslı mütəxəssisləri bundan sonra da öz bilik və bacarıqlarını tələbə və gənclərlə müxtəlif seminar, mühazirə və məşğələlər vasitəsilə bölüşməyə davam edəcəklər.
Tarix
2016.02.08 / 19:05
|
Müəllif
Axar.az
|