Ana səhifə Planet |
Rusiya ABŞ-Suriya müharibəsinin qarşısını alıb.
Axar.az xəbər verir ki, bu iddia ilə ABŞ Mərkəzi Kəşfiyyat İdarəsinin keçmiş əməkdaşı Ray Makgovern çıxış edib.
"ABŞ Suriyanın şərqi Quta bölgəsində baş verən kimyəvi silahlı hücumu əsas gətirərək bu ölkəyə daxil olmaq istəyirdi. Lakin bu zaman Rusiya yardıma gəldi. O dövrdə dünyanı böyük müharibədən xilas edən bir neçə hadisə cərəyan etdi. Lakin burada əsas rolu Rusiya oynadı", - MakGovern qeyd edib.
O bildirib ki, Suriyadakı kimyəvi hücumun araşdırılması ilə bağlı Rusiyanın ABŞ-a yardım təklifi ilə çıxış etməsi böyük müharibənin qarşısını alıb.
Xatırladaq ki, ABŞ hökuməti 2013-cü ildə Suriya Prezidenti Bəşər Əsədin şərqi Quta bölgəsində həyata keçirdiyi kimyəvi hücumu əsas gətirərək bu ölkəyə hərbi müdaxilə etməyi nəzərdə tutmuşdu. Lakin son anda bu qərardan imtina etmişdi.
Tarix
2016.02.08 / 21:56
|
Müəllif
Kamran Ədalət
|