Ana səhifə Toplum |
Fevralın 8-də Bakıda intihar hadisəsi baş verib.
Lent.az-ın
məlumatına görə, hadisə Yeni Yasamal 2, bina 5 ünvanında qeydə
alınıb. Orada yaşayan 1993-cü il təvəllüdlü Vahabova Nigar Tahir
qızı özünü asaraq intihar edib.
N.Vahabovanın intihar etməsi ilə bağlı bəzi məqamlar üzə çıxıb.
N.Vahabova intihardan əvvəl valideynlərinə məktub yazıb. O, məktubunda valideynlərindən üzrxahlıq edib, etdiyi əmələ görə onu bağışlamalarını istəyib. Gənc qız ata-anasını incitdiyini və buna görə çox məyus olduğunu qeyd edib.
Bildirilir ki, N.Vahabova Kooperasiya Universitetinin 3-cü kurs tələbəsi olub. Son vaxtlar onların ailəsində müəyyən problemlər, eləcə də maddi sıxıntılar varmış.
Qeyd edək ki, mərhumə İctimai Televiziyanın əməkdaşı Aytac Vahabovanın bacısıdır. O, bu barədə Feysbuk səhifəsində məlumat yayıb.
Faktla bağlı Yasamal rayon prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb.
Tarix
2016.02.09 / 10:47
|
Müəllif
Emil Salamoğlu
|