Bu halda silahı yerə qoyacağıq - HƏMAS
14:05
Ana səhifə Kult Ədəbiyyat |
Tanınmış jurnalist Zöhrab Əmirxanlı son zamanlar öz bədii yaradıcılığı ilə də oxucuların diqqətini çəkir.
Axar.az Zöhrab Əmirxanlının "Bu yuxunu necə yozum, görəsən..." şeirini təqdim edir.
Hisslərimə sığal çəkib hörən sən,
Bu yuxunu necə yozum, görəsən?..
İlahətək gəldin mənim yuxuma,
Nitqim batdı heyrətimdən lal kimi.
Susuzluqdan təşnə olan dodağım,
Həmin gecə çeşmə tapdı bal kimi.
Nə şirindi o gecənin vüsalı,
Bu vüsalın yozulmalı yüz halı,
Xəyalımı çən bürüyüb, sis alıb,
Bu yuxunu necə yozum, görəsən?..
Könlüm hələ çalınmamış saz idi,
Sən ömrümə erkən gəlmiş yaz idin,
Bir ayrı cür qəmzə idin, naz idin,
Bu yuxunu necə yozum, görəsən?..
O gecədə gözlərimiz öpüşüb,
O gecədən neçə gecə ötüşüb,
Gözlərindən ürəyimə od düşüb,
Bu yuxunu necə yozum, görəsən?..
Tarix
2016.02.09 / 14:12
|
Müəllif
Axar.az
|