"Qanun" Nəşrlər Evinin direktoru, jurnalist Şahbaz Xuduoğlunun ailəsindəki faciədən 1 il ötür.

Aznyus.az xəbər verir ki, onun həyat yoldaşı Könül Rüstəmxanlının il mərasimi sabah Təzə Pir Məscidində keçiriləcək. Yas mərasimində qadınlar saat 13.30-dək, kişilər isə saat 13.30-dan sonra iştirak edə bilərlər.

Qeyd edək ki, faciə ötən il fevral ayının 11-də saat 15.30 radələrində Masallı-Yardımlı yolunda baş verib.

"Qanun" Nəşrlər Evinin sürücüsü Rafiq Mustafayevin idarə etdiyi 90-LB-944 dövlət nömrə nişanlı, "Toyota Prado" markalı avtomobil yoldan çıxaraq dərəyə aşıb. Nəticədə maşında olan Şahbaz Xuduoğlunun həyat yoldaşı, 1971-ci il təvəllüdlü Könül Yolçu qızı Rüstəmxanlı hadisə yerində dünyasını dəyişib.