ABŞ kosmosa silah yerləşdirməyə cəhd etsə, o zaman dünya ölkələrini nəzarət oluna bilməyəcək silahlanmaya təhrik edəcək.

Axar.az xəbər verir ki, bunu jurnalistlərə açıqlamasında Rusiya Xarici İşlər Nazirliyinin rəsmi nümayəndəsi Mixail Ulyanov söyləyib.

Onun sözlərinə görə, ABŞ-ın belə bir addımı strateji stabillik sferasındakı oyun qaydalarını dəyişəcək. O, həmçinin bununla "Pandorra qutusu"nun da (əfsanəyə görə, məhz bu qutuda dünyanın bütün bəlaları toplanıb: mətndə bütün dünyanı bəlaya aparacaq amil mənasını ifadə edir – red.) ağzının açılacağını bildirib.

Qeyd edək ki, bir müddət öncə Rusiya və Çin ABŞ-a kosmosda silahlanmanın qadağan edilməsini təklif ediblər. ABŞ rəsmiləri isə bu təklifi yüksək dəyərləndirdiklərini, lakin bunun işlənilməsi gərəkdiyini bildiriblər. Dünən mətbuata açıqlama verən ABŞ Milli Kəşfiyyatının direktoru Ceyms Klepper isə Çin və Rusiyanın ölkənin kosmik sistemini sıradan çıxarmaq üçün yeni silah hazırladığını deyib.