Ana səhifə Planet |
"Əpl"in (Apple) səbirsizliklə gözlənilən modelinin yeni fotoları yayılıb.
ANS-in məlumatına görə, söhbət Ayfon-7-dən
gedir. Yeni modelin bu ilin sentyabr ayında təqdim ediləcəyi
gözlənilir. Ancaq təqdimatdan öncə onlarla konsepti internetdə
yayılıb. Smartfon çərçivəsiz görüntüsü ilə olduqca diqqətçəkici
dizayna malikdir.
Telefonun görüntüsünü dizayner Eduardo Guerrero paylaşıb. Yeni
dizayn "Eyni boy, daha böyük ekran" şüarı ilə hazırlanıb. Dizayner
eyni zamanda naqilsiz elektrik cərəyanı texnologiyasının da yeni
modeldə ola biləcəyini istisna etməyib.
Əslində "Əpl" yeni modeldə bir o qədər də çox dəyişiklik etməyib -
o, Ayfon-6S-dən bir o qədər də fərqlənmir. İlk görünüşə görə "Əpl"
fanatlarının ən çox gözlədiyi çərçivəsiz ekran dizaynı yaxın
zamanda satışda olacaq.
Telefonun ölçüləri 5.51 x 2.63 x 0.25 düym olaraq dizayn edilib,
üzərində ancaq bir düymə - "Home" var.
iOS 10 sistemi olacaq model daha öncəki versiyalar kimi 16, 64 və
128 GB daxili yaddaş ilə hazırlanacaq.
Tarix
2016.02.10 / 22:29
|
Müəllif
Axar.az
|