Ana səhifə Gündəm |
Tanınmış telejurnalist, şair-publisist Bəxtiyar Qaracaya
Azərbaycan Dövlət Televiziya və Radio Yayımları Şirkətində vəzifə
verilib.
Aznyus.az xəbər verir ki, o, kanalın rəhbəri
Arif Alışanovun müvafiq əmri ilə Mədəniyyət kanalına direktor
müavini təyin edilib.
AzTV-nin mətbuat xidmətinin rəhbəri Xatirə Qasımova faktı
təsdiqləyib.
Məlumat üçün bildirək ki, B.Qaraca bundan əvvəl "Azərbaycan"
qəzetində çalışırdı. Qəzetdən əvvəl isə telejurnalist uzun illər
AzTV-də çalışıb.
Onu da bildirək ki, bir müddət əvvəl mətbuatda A.Alışanovun
2006-2009-cu illərdə işdən çıxartdığı baş redaktorları geri
qaytarması ilə bağlı yazılar dərc olunmuşdu. Həmin yazılarda
bildirilirdi ki, bir vaxtlar Gənclik Proqramları redaksiyasından
uzaqlaşdırılan şair Bəxtiyar Qaraca da ötən ilin sonunda Arif
Alışanovla görüşüb və onun yenidən televiziyaya qaytarılması ilə
bağlı müzakirələr aparılıb.
Tarix
2016.02.10 / 23:01
|
Müəllif
Axar.az
|