Ana səhifə Planet |
Suriyanın öndə gedən müxalif qruplarından olan Əhrar əş-Şam ölkə diktatoru Bəşər Əsədə sui-qəsd təşkil edib.
Avropa.info
xəbər verir ki, hadisə ötən həftə Bəşər Əsədin anası Enisə Əhməd
Məxlufun dəfni zamanı baş verib.
Məlumata görə, Bəşər Əsədin anasının dəfni ilə bağlı Latakiyanın
Kardaha bölgəsinə gələcəyi xəbərini alan müxaliflər ona qarşı
sui-qəsd hazırlayıblar.
Türkiyənin hökumətə yaxın "Taymtürk" saytına danışan Əhrar
əş-Şam komandirlərindən biri məlumatı təsdiqləyib.
"Ötən həftənin bazar günü Məxlufun dəfni ilə bağlı Əsədin regiona
gələcəyi məlumatını aldıq. Məlumatı aldıqdan sonra hazırlığa
başladıq. Ərazi şərtləri və sıx təhlükəsizlik tədbirləri səbəbi ilə
bölgəyə yanaşmağımız mümkün deyildi. Ona görə də "Qrad" raketləri
ilə Əsədin keçdiyi yolu hədəf aldıq və vurduq".
"Yerusalem Post" qəzetinin iki gün öncə verdiyi xəbərə görə,
anasının dəfninə gedən Əsədin kartejinə "Qrad" raketləri ilə hücum
təşkil edilib. Qəzetin yazdığına görə, kartejdə olan 4 adamın ölsə
də, Əsədi xilas etmək mümkün olub.
Qeyd edək ki, Suriyada olaylar 2011-ci ilin mart ayının 15-də əvvəlcə dinc etiraz aksiyaları şəkilində başlayıb. Lakin uzun illərdir ki, ölkəyə seçki keçirmədən rəhbərlik edən Əsəd ailəsi aksiyaları dağıtmaq üçün odlu silahdan istifadə edəndən sonra proses hərb müstəvisinə keçdi. Daha sonra Bəşər Əsəd onun hakimiyyətdə qalmasına kömək etmək üçün İran, Hizbullah, daha sonra isə Rusiyadan hərbi yardım istədi.
Əsəd ailəsi Suriyada dini azlıq sayılan (təqribən ölkə əhalisinin 8 faizi) nusyari təriqətini təmsil edir.
Tarix
2016.02.11 / 00:51
|
Müəllif
Axar.az
|