Suriya böhranı ilə bağlı ortaq məxrəcə gələ bilməsək, yeni dünya müharibəsi başlayacaq.

Axar.az xəbər verir ki, bu sözləri Rusiya Baş naziri Dmitri Medvedyev Almaniyanın "Handelsblat" qəzetinə açıqlamasında deyib.

"Yeni dünya müharibəsini başlatmaqdansa, hamımız birlikdə Suriya böhranını həll etmək üçün müzakirələr aparmalıyıq. Amerikalı və ərəb müttəfiqlərimiz Suriyada həmişəlik müharibəni istəyib-istəməyəcəkləri ilə bağlı yaxşıca düşünməlidirlər. Əgər bu müharibədə asan yolla qələbə qazanacaqlarını düşünürlərsə, yanılırlar. Xüsusilə də hər kəsin bir-biriylə döyüşdüyü ərəb coğrafiyasında bu çox çətindir. Rusiya və ABŞ atəşkəsi təmin etmək üçün tərəflərə təzyiq etməlidir", - Medvedyev vurğulayıb.