İraqın Baş naziri Heydər Abadi ilə Şimali İraq Kürd Regional Rəhbərliyinin lideri Məsud Bərzani arasında Almaniyada Münhen Təhlükəsizlik Konfransında görüş keçirilib.

Axar.az xəbər verir ki, tərəflər görüş zamanı İŞİD-ə qarşı mübarizə, ölkədəki mövcud siyasi vəziyyət, iqtisadi böhran və Ərbil–Bağdad əlaqələri ilə bağlı müzakirələr aparıblar.

"İraqda bütün tərəflər İŞİD-i məğub edərək şəhərlərin geri alınması üçün çalışmalıdırlar. Xüsusilə, Mosulu azad etmək və iqtisadi böhrandan qurtulmaq naminə əməkdaşlıq etməyimiz vacibdir. Ölkənin mənafeyinə uyğun hərəkət etməliyik. Keçmişdə olduğu kimi İraq bu böhrana qalib gəlməyi bacaracaq", - Abadi vurğulayıb.