Ana səhifə Planet |
Rusiyada ədalətsiz seçkilər gələcək illərdə ölkənin parçalanmasına səbəb olacaq kütləvi etirazlara gətirib çıxara bilər.
Axar.az xəbər verir ki, bunu Ukrayna mətbuatına açıqlamasında rusiyalı iqtisadçı Slava Rabinoviç söyləyib. Onun sözlərinə görə, bu etiraz dalğası Tatarıstan və Çeçenistanı bürüyəcək:
"Öncə Rusiyanın bütün bank sferasında sistem partlayışı olur. Elə həmin gün bütün real iqtisadiyyat da partlayır. Əksinə də ola bilər. Yəni əvvəlcə real iqtisadiyyat partlaya, daha sonra böyük ölçüdə bankrotluq başlaya bilər ki, bu da bank sistemini məhv edəcək. Sosial gərginlik yaranacaq. Beləliklə, böyük şirkətlər dayanacaq. Nəticədə monoşəhərlər sosial gərginliklərin liderlərinə çevriləcəklər. Bu hadisələr fonunda Rusiya regionlara donor olmaqdan imtina edəcək. Belə bir məqamda Tatarıstan deyər bilər ki, biz Rusiya ilə ümumi heç nə istəmirik. Biz istəyirik ki, Birləşmiş Ərəb Əmirliklərinin son 15 ildə əldə etdiyi uğurun heç olmasa 10%-nə yiyələnək. Bu an Moskva kütləyə atəş açmağa izni olan hərbçilərin yardımından nizam yaratmaq üçün istifadə edəcək. Bundan sonra hər iki tərəfdən qan töküləcək və vətəndaş müharibəsinin başlanması sadəcə an məsələsi olacaq".
Tarix
2016.02.13 / 09:09
|
Müəllif
İlkin Həsənov
|