ABŞ-ın Cənubi Koreyaya yerləşdirəcəyi THAAD hava hücumundan müdafiə sistemləri Çin üçün təhlükə yarada bilər.

Axar.az xəbər verir ki, bunu Çin Xarici İşlər naziri Vanq Yi "Röyter" agentliyinə deyib.

"ABŞ-dan strategiyasını yenidən nəzərdən keçirməsini istəyirik. Həqiqətlər ortadadır. ABŞ-ın yerləşdirəcəyi THAAD sistemləri Koreya yarımadasının ərazisini ötüb keçir və Asiya qitəsinin içərilərinə qədər uzanır. Bu, Çinin və digər Asiya ölkələrinin strateji təhlükəsizlik maraqlarına birbaşa təsir edir. Sıravi insanlar belə THAAD-ın məqsədinin yalnız Cənubi Koreyanı qorumaq olmadığını, hətta Çini hədəf alma məqsədinə xidmət edə biləcəyini bilir", - XİN rəhbəri bildirib.

Qeyd edək ki, Şimali Koreyanın hidrogen bombasını sınaqdan keçirməsindən sonra Cənubi Koreya hökuməti THAAD sistemlərinin ölkəsində yerləşdirilməsi üçün ABŞ-la danışıqlara başlayıb. Vaşinqton və Seul sistemin Cənubi Koreyanı qorumaq üçün hazırlandığını, Çin və ya başqa bir ölkəni hədəf almadığını açıqlayıb.