Ana səhifə Planet |
Biz Moldovanın Rumıniyaya qatılmasını sakitcə izləməyəcəyik.
Axar.az xəbər verir ki, bunu Rusiya mətbuatına açıqlamasında Moldovadakı Qaqauziya muxtariyyətinin rəsmi nümayəndəsi İvan Burqudji söyləyib. Onun sözlərinə görə, Moldovanın Rumıniyaya birləşməsində Qaqauziya iştirak etməyəcək:
"Buxarestdə artıq hər iki ölkənin birləşməsinə səbəb olan layihə təqdim edilib. Biz yaxın zamanlarda Moldova rəhbərliyinin bu bəyanatla bağlı öz mövqeyini bildirməsini istəyəcəyik. 2 fevral 2014-cü ildə keçirilən referendum zamanı Qaqauziya əhalisi Moldovanın Rumıniyaya birləşdirilməsinin əleyhinə çıxıb və bu reallaşacağı təqdirdə müstəqil dövlət olacağını bəyan edib".
Qeyd edək ki, bir müddət öncə Rumıniyanın Milli Liberal Partiyası hər iki ölkənin birləşdirilməsi ilə bağlı hökumətə layihə təqdim edib.
Moldova Rumıniyanın tarixi ərazisidir. Bessarabiya torpaqlarını rumınlardan alan Moskva 1940-cı ildə burada Moldova dövlətini yaradıb.
Oğuz türkləri olan qaqauzlar Moldova daxilində muxtariyyətə sahibdirlər. Xristianlığı qəbul etmələri onların türklüklərini itirmələrinə səbəb olmayıb. Qaqauziya həmçinin Moldovanın Avropa Birliyinə inteqrasiya siyasətini qəbul etmir və bunun əvəzində hökumətdən Gömrük İttifaqına üzv olmasını istəyir. Üstəlik, Qaqauziya rəhbərliyi Rusiyanın xarici siyasətini müdafiə etdiyini bəyan edir.
Tarix
2016.02.13 / 22:35
|
Müəllif
İlkin Həsənov
|