Ankarada terror aktı həyata keçirildi. Bu hücumu lənətləyirik. Vətəndaşlarımızın ən sıx olduğu bölgədə bu partlayışın həyata keçirilməsi bir daha terrorun alçaqlığını və xainliyini göstərir.

Axar.az xəbər verir ki, bu sözləri Türkiyənin hakim AK Partiyasının sözçüsü Ömər Çəlik Ankarada baş verən terror olayı ilə bağlı açıqlama verərkən deyib.

"Bu hücumda itkilərimizə görə çox böyük kədər hissi keçiririk. Lakin mübarizə əzmimiz daha da artır. Ölkəmizin terrora təslim olmasına əsla göz yuma bilmərik. Birlikdə mübarizə aparacağıq. "Mən Türkiyəyəm" demək günüdür. Terror qorxu mühiti yaratmaq istəyir. Başda mediamız olmaqla, bunun qarşısını almalıyıq", - Çəlik vurğulayıb.