Azərbaycan multikulturalizmini tədris edən xarici universitetlərin sırası get-gedə genişlənir. Bugünlərdə bu sıraya Almaniyanın Augsburg Universiteti də qoşulub.

Axar.az-a Bakı Beynəlxalq Multikulturalizm Mərkəzinin mətbuat xidmətindən verilən xəbərə görə, 8-12 fevral 2016-ci il tarixində Almaniyanın Augsburg Universitetində "Azərbaycan multikulturalizmi" üzrə intensiv kurs təşkil olunub.

Kursu Augsburg Universitetinin Alman dili və ədəbiyyatı üzrə ixtisaslaşmış professoru Klaus Volf təşkil edib. 5 gün ərzində - hər gün saat 08:00-19:00–dək davam edən kursa universitetin filologiya və tarix fakültəsinin 10 tələbəsi qatılıb.