Ana səhifə Gündəm |
Ötən gün Türkiyənin paytaxtı Ankarada törədilən terror hücumuna görə 9 nəfər saxlanılıb.
Axar.az xəbər verir ki, bu barədə ictimaiyyətə Türkiyə Baş naziri Əhməd Davudoğlu deyib.
Davudoğlu teraktı YPG-nin (PKK-nın Suriya qolu PYD-nin hərbi qanadı) törətdiyini təsdiqləyib:
"Dünən Ankaradakı terror hücumunda ölənlərə Allahdan rəhmət diləyirəm. Gecə ərzində kəşfiyyat məlumatları toplamışıq. Şübhəlilər tamamilə bəlli oldu. Bu hücum Türkiyədəki PKK-çılar və Suriyadan gələn YPG üzvü Salih Necar tərəfindən təşkil edilib. Artıq 9 nəfər saxlanılıb. Buradan YPG-ni terror təşkilatı kimi tanımayan ölkələrə səslənirəm. Əlimizdə sübutlar var. "YPG terror təşkilatı deyil" deyənlərə fakt sənədlərlə sübut olunacaq".
Xatırladaq ki, rəsmi Ankara YPG-nin terror təşkilatı olduğunu bildirsə də, ABŞ Türkiyəyə qarşı çıxır və onları silahla təmin edir.
Tarix
2016.02.18 / 13:58
|
Müəllif
İlham Sahiloğlu
|